Litvanın Qeydiyyat Mərkəzinin sistemindən ölkənin xarici işlər naziri Kyastutis Budrisə və onun ailə üzvlərinə aid məlumatlar oğurlanıb.

"Report" LRT telekanalına istinadən xəbər verir ki, bu barədə nazir məlumat verib.

Nazirin sözlərinə görə, söhbət dövlət reyestrlərində olan məlumatlardan gedir. Litva Baş Prokurorluğu daşınmaz əmlak reyestrindən mülkiyyətçilərin şəxsi kodları da daxil olmaqla 600 mindən çox qeydin sızması ehtimalını araşdırır.

Budris bu məlumatların dövlətə düşmən subyektlərin maraqları xeyrinə istifadə oluna biləcəyindən narahatlığını bildirib. O qeyd edib ki, xüsusi xidmət orqanları qiymətləndirmələrinə görə, oğurlanmış məlumatlar belə strukturların əlinə keçə bilər.

Daha əvvəl Litva Prezidenti Gitanas Nauseda da məlumat sızmasının qurbanı olduğunu bildirərək, baş verənləri "düşmən dövlətlərin mümkün fəaliyyəti" adlandırıb.

Oxşar xəbərlər

Gitanas Nauseda: Litvanın hava məkanından hərbi məqsədlər üçün istifadə olunmayacaq

Litva Prezidenti Ukraynanın ərazi bütövlüyü və Aİ-yə üzvlüyünün tərəfdarıdır

Gitanas Nauseda: Litva öz ərazisində ABŞ qoşunlarını qəbul etməyə hazırdır

Litvanın yeni xarici işlər naziri təyyarə qəzasına görə azərbaycanlı həmkarına başsağlığı verib

Litva Prezidenti Azərbaycan liderinə zəng edib, başsağlığı verib