Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Qadınlar Şurasının əsas məqsədi təşkilat çərçivəsində təcrübə mübadiləsi aparmaqdır.

"Sizinxeber.az" xəbər verir ki, bunu AQEM-in Baş katibi Kayrat Sarıbay Bakıda keçirilən AQEM Qadınlar Şurasının ilk iclasına həsr olunmuş mətbuat konfransında bildirib.

O deyib ki, sülh, inkişaf üçün qadının səsi, rolu güclənməlidir: "Şuranın fəaliyyəti üzv dövlətlərin qadınlarla bağlı addımlarının daha yaxşı formalaşmasına kömək edəcək. Demək olar ki, Azərbaycanın təşəbbüsü ilə AQEM-də yeni dövr başlayır".

Baş katib qeyd edib ki, gələcəkdə görülə biləcək işlər, müzakirə olunacaq mövzular çoxdur: "Xüsusilə, cinayətkar qruplarla mübarizə üsulları və bu sahədə təcrübə paylaşımı diqqət mərkəzindədir. Eyni zamanda, Rusiya və Çinin təklif etdiyi informasiya-kommunikasiya texnologiyalarının təhlükəsiz və sağlam istifadəsi ilə bağlı təşəbbüslər mövcuddur".

K.Sarıbay xatırladıb ki, bu il iyul ayında Birləşmiş Millətlər Təşkilatı nəzdində könüllü sərginin keçirilməsi planlaşdırılır: "Bundan əlavə, terrorizmlə mübarizə sahəsində də konkret fəaliyyət planımız var və bu planın AQEM çərçivəsində necə tətbiq ediləcəyi müəyyənləşdirilib".

Oxşar xəbərlər

Kayrat Sarıbay: “Azərbaycan AQEM çərçivəsində Qadınlar Şurasının yaradılmasını istəyir”

Azərbaycan AQEM çərçivəsində Qadınlar Şurasının yaradılması təşəbbüsü ilə çıxış edib

Baş katib: "AQEM ölkələri nəqliyyat dəhlizlərinin rəqəmsallaşdırılmasını müzakirə etmək istəyir"

Kayrat Sarıbay: “AQEM Azərbaycanın sədrliyi ilə dayanıqlı inkişaf trayektoriyasına daxil olacaq"

Bakıda AQEM-in Yüksək Vəzifəli Şəxslər Komitəsinin birinci iclası keçiriləcək