Goranboyda zəncirvari yol qəzası baş verib

Goranboy rayonunda zəncirvari yol-nəqliyyat hadisəsi baş verib.

APA-nın yerli bürosunun məlumatına görə, qəza Goranboy–Ağcakənd avtomobil yolunun Səfikürd kəndi ərazisindən keçən hissəsində qeydə alınıb.

Hərəkətdə olan "Mercedes", "VAZ 2107" və "VAZ 2106" markalı minik avtomobilləri toqquşub. Hadisə nəticəsində xəsarət alan olmasa da, nəqliyyat vasitələrinə ciddi ziyan dəyib.

Faktla bağlı araşdırma aparılır.