Kürdəmirdə yanğın olub.

APA Fövqəladə Hallar Nazirliyinə istinadən xəbər verir ki, hadisə Kürdəmir rayonu, Qarabucaq qəsəbəsi ərazisində yük avtomobilində baş verib.

Dərhal əraziyə FHN Dövlət Yanğından Mühafizə Xidməti Kürdəmir rayon Yanğından Mühafizə Hissəsinin qüvvələri cəlb olunub.

Yanğınsöndürənlərin çevik müdaxiləsi sayəsində "SCANİA" markalı yük avtomobilinin qoşqu hissəsində baş vermiş yanğın avtomobilin digər hissələrinə, o cümlədən qoşqunun üzərində olan müxtəlif markalı səkkiz ədəd minik avtomobilinə keçməsinə imkan verilmədən qısa müddətdə söndürülüb.

Yanğın nəticəsində qoşqunun bir ədəd təkəri yanıb.

Yük avtomobili və qoşqunun üzərində olan minik avtomobilləri yanğından mühafizə olunub.

Oxşar xəbərlər

Kürdəmirdə avtomobil yanıb - VİDEO

Sumqayıtda avtomobil yanıb - VİDEO

Sumqayıtda avtomobildə yanğın olub

Sumqayıtda avtomobildə yanğın olub - VİDEO

Bakıda “NİVA” yanıb - VİDEO