İspaniyada keçirilən cüdo üzrə yeniyetmələr arasında Avropa çempionatının fərdi yarışlarını Azərbaycan millisi 10 medalla başa vurub.

"Sizinxeber.az" xəbər verir ki, qitə birinciliyinin üçüncü yarış günündə daha 3 cüdoçumuz fəxri kürsüdə yer alıb.

Ömər Axundov (-90 kq) finalda Litva idmançısı Tayus Babayçenkoya məğlub olaraq gümüş medala layiq görülüb. 81 kq çəki dərəcəsində çıxış edən Ayxan Həsənli və Yaqub Məmmədov isə yarışı bürünc medalla tamamlayıblar.

Daha əvvəl Zəhra Quliyeva (-40 kq) və Nihad Ağayev (-50 kq) qızıl, Fərid Rzazadə (-50 kq) və Sadiq Məmmədov (-73 kq) gümüş, İbrahim Talıbov (-55 kq), Könül Eyvazlı (-48 kq) və İlkin Qarayev (-66 kq) isə bürünc medal qazanıblar.

Qeyd edək ki, sabah turnirin son günündə qarışıq komanda yarışı keçiriləcək. Azərbaycan millisi 1/8 finalda Çexiya yığması ilə qarşılaşacaq.

Oxşar xəbərlər

Azərbaycanın yeniyetmə cüdoçuları Avropa çempionatının ilk günündə 5 medal qazanıblar

Zelim Kotsoyev Avropa çempionatını gümüş medalla başa vurub

Azərbaycanın cüdo millisi Avropa Kubokunda medal sayına görə birinci olub

Azərbaycan cüdoçuları Avropa Kubokunda 9 medal qazanıblar

Azərbaycan millisi EYOF-u 10 medalla 17-ci pillədə başa vurub