Hacıqabulda dağlara yağan intensiv yağışlar şəhərdə ciddi fəsadlar törədib.

APA-nın Mil-Muğan bürosunun məlumatına görə, saat 2 radələrində dağlara yağan aramsız sel yağışları şəhərin əksər hissələrini su altında qoyub.

Yüzlərlə evin həyəti su altında qalıb. Şəhərdaxili yollar, şəhərin mərkəzi, şəhər polis şöbəsinin ətrafı 1 metrə qədər su altında qalıb. Şirvan-Hacıqabul dəmir yolu xəttinin 30 metrə qədər hissəsi dağılıb. Bəzi istiqamətlərdə elektrik verilişi dayandırılıb. Bir neçə yerdə transformatorları su basıb. Rayon icra hakimiyyəti tədbirlər görür və təbiət hadisəsinin törətdiyi fəsadları nəticəsi barədə açıqlama verəcəkləri gözlənilir.

***

17:09

Hacıqabul şəhərinə aramsız yağan yağışlar fəsadlara səbəb olub.

APA-nın yerli bürosu xəbər verir ki, nəticədə 200-ə yaxın evi su basıb.

Rayon ərazisindən keçən dəmir yolu xəttinə zərər dəyib. Hazırda qatarların hərəkətində fasilə yaranıb.

Oxşar xəbərlər

Hacıqabula yağan yağışlar nəticəsində 200-ə yaxın evi su basıb - FOTO - VİDEO

Şinçayından sel keçib

Leysan yağışları Şəkinin bir sıra kəndlərində fəsadlar törədib

Qəbələdə aramsız yağan yağışlar bir sıra fəsadlara səbəb olub - FOTO

Qəbələdə aramsız yağan yağışlar bir sıra fəsadlara səbəb olub