Daxili İşlər Nazirliyinin (DİN) Baş Narkotiklərlə Mübarizə İdarəsi Bakıda əməliyyat keçirib, 24 kiloqram narkotik aşkarlanıb.

Bu barədə "Sizinxeber.az"a DİN-dən məlumat verilib.

Bildirilib ki, Binəqədi rayonunda keçirilən əməliyyat zamanı narkoşəbəkəyə üzv olan iki nəfər - 47 yaşlı Elnur Hacıyev və 29 yaşlı Əkbər Kərimov saxlanılıblar. Sonunculara məxsus avtomobil və gizli saxlanc yerindən 24 kiloqram tərkibinə zərərli maddələr əlavə edilmiş marixuana aşkarlanıb.

Şəxsiyyəti istintaqla araşdırılan İran vətəndaşı ilə cinayət əlaqəsinə girdiklərini etiraf edən E.Hacıyev və Ə.Kərimov narkotik vasitələri Yardımlı və Binəqədi rayonları ərazisindən götürüb maddi gəlir qazanmaq üçün satışını təşkil etməyi planlaşdırıblar.

Faktla bağlı cinayət işi başlanılıb, hər iki şəxs barəsində məhkəmənin qərarı ilə həbs qətimkan tədbiri seçilib. Əməliyyatlar davam etdirilir.

Oxşar xəbərlər

Bakıda əməliyyat keçirilib, 33 kiloqram narkotik vasitə aşkarlanıb

Baş İdarə əməliyyat keçirib, 35 kiloqram narkotik vasitə dövriyyədən çıxarılıb

Sumqayıtda 67 kq narkotik dövriyyədən çıxarılıb, iki nəfər saxlanılıb

DİN əməliyyatlar keçirib, 22 kiloqram narkotik aşkarlanıb

Abşeronda İran vətəndaşından 19 kiloqram narkotik əldə etməkdə təqsirləndirilən şəxs həbs olunub