Yunanıstan nümayəndəsi: İslamofobiya cəmiyyətin bütün təbəqələrinə nüfuz edən zəhərdir

İslamofobiya cəmiyyətin bütün təbəqələrinə nüfuz edən zəhərdir

"Report" xəbər verir ki, bunu Yunanıstan Müsəlmanları Assosiasiyasının Marketinq və İctimaiyyətlə Əlaqələr Mütəxəssisi Anna Stamou Bakıda "İslamofobiya diqqət mərkəzində: Qərəzin ifşası, stiqmaların dağıdılması" mövzusunda keçirilən beynəlxalq elmi konfransı zamanı panel müzakirəsində deyib.

Onun sözlərinə görə, islamofobiya illərlər planlaşdırılmış strategiyadır:

"Buna qarşı necə mübarizə aparmalı olduğumuzu müzakirə etməliyik. Çünki insan öz övladına "sən Avropa ölkəsində doğulduğuna görə müsəlman olduğun üçün həkim ola bilməzsən" demək istəmir. Bunu deməmək üçün "zəncir"i qırmaq lazımdır".

Natiq gənclərə də çağırış edib:

"Gənclər bu "zəncir"i qırmaq gücündədir. Bu çərçivədə ailə dəyərlərini qorumaq da onların borcudur. Bəzi şeyləri təkcə hökümətdən gözləmək düzgün deyil. Gənclərin təşəbbüsü ilə bir çox niyyəti həyata keçirmək mümkündür".