Samuxda 100 tona yaxın istifadəyə yararsız pestisid və çirklənmiş torpaq qatının daşınması həyata keçirilib.

"Report" xəbər verir ki, bu barədə Azərbaycan Qida Təhlükəsizliyi Agentliyi (AQTA) məlumat yayıb.

Bildirilib ki, beynəlxalq təhlükəsizlik tələblərinə uyğun şəkildə qablaşdırılan yüklər zərərsizləşdirilmək məqsədilə xüsusi nəqliyyat vasitəsilə “Cəngi pestisid poliqonu”na yola salınıb.

"Pestisidlərin xüsusi lisenziyaya malik müəssisələrdə yandırılaraq tam zərərsizləşdirilməsi nəzərdə tutulur. Eyni zamanda, təmizlənmiş ərazilərdə çirklənməyə məruz qalmış torpaqların bərpası məqsədilə bioremediasiya üsullarından istifadə ediləcək və bu proses müvafiq dövlət qurumları ilə birgə həyata keçiriləcək", - məlumatda qeyd olunub.

Tədbirlər növbəti mərhələdə Füzuli və İmişli rayonlarında yerləşən təhlükə potensiallı obyektlərdə də davam etdiriləcək.

Oxşar xəbərlər

Bir sıra rayonlarda istifadəyə yararsız və qadağan olunmuş pestisidlərin zərərsizləşdirilməsi həyata keçiriləcək

Samuxda istifadəyə yararsız pestisidlər zərərsizləşdiriləcək

Ağstafada istifadəyə yararsız və qadağan olunmuş pestisidlər xüsusi poliqona daşınıb

AQTA rəsmisi: "Son illərdə pestisid idxalında sistemsizlik müşahidə olunur"

Azərbaycanda təhlükə potensiallı obyektlər üzrə vahid dövlət reyestri hazırlanacaq