Rur Universitetinin (Almaniya) alimləri sübut ediblər ki, hepatit E virusu təkcə qaraciyər hüceyrələrinə deyil, böyrəklərə də nüfuz edib çoxalmağa qadirdir.

“Sizinxeber.az” xəbər verir ki, bunu “Liver International” jurnalında dərc olunan araşdırma göstərib.

Hepatit E “Herpesviridae” (herpes virusları) ailəsinə aid olan eyniadlı virusun yaratdığı kəskin yoluxucu xəstəlikdir. Virus ağız boşluğundan bədənə daxil olur, oradan nazik bağırsağa, sonra qana və qaraciyərə keçir və burada aktiv şəkildə çoxalmağa başlayır.

Hepatitə yoluxma ilə orqanizmin zəifliyi, ürəkbulanma, iştahsızlıq və "sarılıq" - dərinin və selikli qişaların rəngində dəyişiklik baş verir. Adətən xəstəlik kifayət qədər yüngül keçir, lakin hamilə qadınlar üçün təhlükəlidir.

Alimlər xroniki hepatit E daşıyıcısı olan xəstələrin qanından, sidiyindən və nəcisindən virus nümunələrini təhlil edərək müxtəlif orqanlarda viruslarda əhəmiyyətli genetik fərqlər aşkar ediblər. Alimlərin fikrincə, bu, o deməkdir ki, qaraciyər və böyrəklərdə virus populyasiyaları müstəqil şəkildə inkişaf edir və müxtəlif istiqamətlərdə təkamül edir.

Oxşar xəbərlər

Azərbaycanda Hepatit A virusu ilə bağlı son vəziyyət açıqlanıb

Çexiyada hepatit A epidemiyası sürətlə yayılmağa başlayıb

Qəzzada Hepatit A virusuna yoluxanların sayı 40 min nəfərə çatıb

Çində iki yeni ölümcül virus aşkarlanıb

Rusiyada virus yayılmasına görə həyəcan təbili çalındı: 100 məktəbdə karantin elan edildi