Prezident İlham Əliyev İtaliya-Azərbaycan Universitetinin iki ölkə artasında əməkdaşlığın şaxələndirilməsinin gözəl nümunəsi olduğunu deyib.

“Report”un məlunatına görə, bu barədə Prezident İlham Əliyevin İtaliya prezidenti Sercio Mattarellaya bu ölkənin Respublika Günü münasibətilə göndərdiyi təbrik məktubunda deyilir:

“Ən iri ticarət tərəfdaşımız olan İtaliyanı təmsil edən şirkətlər Azərbaycanda uzun illərdən bəri uğurla fəaliyyət göstərir və ikitərəfli münasibətlərimizin dərinləşməsində xüsusi rol oynayır. İşğaldan azad olunmuş ərazilərin bərpası və yenidən qurulması işlərində ölkənizin şirkətlərinin yer alması tərəfdaşlığımızın yüksək səviyyəsindən xəbər verir”.

Dövlət başçısı qeyd edib ki, enerji sektorunda əməkdaşlıq Azərbaycan-İtaliya münasibətlərinin aparıcı istiqamətlərindən biridir:

“Bu sahədə geniş gündəliyə malik səmərəli işbirliyimiz, Cənub Qaz Dəhlizi çərçivəsində birgə fəaliyyətimiz Avropanın enerji təhlükəsizliyinin təminatına böyük töhfə verir.

Humanitar əlaqələrimizin də yüksələn xətt üzrə inkişafı məmnunluq doğurur. İtaliyanın beş aparıcı universiteti ilə birgə layihə çərçivəsində yaradılan İtaliya-Azərbaycan Universiteti əməkdaşlığımızın şaxələndirilməsinin gözəl nümunəsidir”.

Oxşar xəbərlər

İlham Əliyevin İtaliya Prezidenti ilə birgə işçi naharı başlayıb

İtaliya Prezidenti İlham Əliyevi təbrik edib

İtaliyanın Baş naziri Prezident İlham Əliyevi qarşılayıb

İlham Əliyev Koreya Prezidentinə təbrik məktubu göndərib

ISIA-nın vitse-prezidenti: İtaliya Azərbaycanla sıx əməkdaşlığı bundan sonra da davam etdirəcək