İran və Azərbaycan arasında ikitərəfli münasibətlərin möhkəmləndirilməsi iki ölkənin İqtisadi Əməkdaşlıq Təşkilatı (İqƏT) çərçivəsində fəaliyyətlərinin uyğunluğunu artıra bilər.

Bunu "Report"a açıqlamasında pakistanlı politoloq Bəsim Reza deyib.

"İran və Azərbaycan arasında münasibətlərin yaxşılaşması İqtisadi Əməkdaşlıq Təşkilatı çərçivəsində regional layihələrin, xüsusilə ticarətin təşviqi və enerji əməkdaşlığı kimi sahələrdə aktivləşməsi üçün katalizator ola bilər", - o qeyd edib.

Politoloqun fikrincə, İran və Azərbaycan İqtisadi Əməkdaşlıq Təşkilatında fraqmentasiyanı azaldan təşəbbüsləri birgə irəli sürə bilərlər: "Bundan əlavə, təşkilatın əsas üzvləri arasında etimadın möhkəmləndirilməsi onun iqtisadi inteqrasiya platforması kimi nüfuzunu artırır".

Bununıla yanaşı, B.Reza qeyd edib ki, ölkələr arasında siyasi proseslər konstruktiv dialoq və qarşılıqlı faydalı həll yollarının axtarışı istəyini nümayiş etdirir.

Qeyd edək ki, 2025-ci il iyulun 3-4-də Azərbaycanda İqtisadi Əməkdaşlıq Təşkilatına (İqƏT) üzv dövlətlərin başçılarının 17-ci Sammitinin keçirilməsi gözlənilir.

Oxşar xəbərlər

Bəsim Rza: Bakı ilə Tehran arasında münasibətlərin yaxşılaşması regional təhlükəsizliyi gücləndirəcək

Politoloq: Azərbaycan ŞƏT-ə üzv ölkələrlə əməkdaşlıqda mühüm rol oynayır

Pakistanlı politoloq: Bakı və İslamabad müdafiə sahəsində əməkdaşlığı genişləndirə bilər

Azərbaycan və İran 16-cı birgə komissiyanın iclasında iqtisadi əməkdaşlığı müzakirə edəcəklər

Azərbaycan və İran birgə komissiyanın 16-cı iclasında iqtisadi əməkdaşlığı müzakirə edəcəklər