Qana kimi komandaların qapısından top keçirmək çətindir

"Report" xarici mediaya istinadən xəbər verir ki, bunu İngiltərə millisinin baş məşqçisi Tomas Tuxel Qanaya qarşı DÇ-2026-nın qrup mərhələsinin oyunundan sonra deyib.

Mütəxəssis bərabərə bitən oyunu şərh edib:

"Matçın sonunda iki real qol imkanımız oldu və bəlkə də qələbəyə layiq tərəf biz idik. Qana kimi komandaların qapısından top keçirmək çətindir. Qol vura bilməyəndə oyun səbir mübarizəsinə çevrilir. Rəqib bu qədər dərin müdafiə olunanda oynamaq asan deyil.

Birinci hissədə sürətli və intensiv oyun nümayiş etdirdik, cəhdlərimiz də oldu, amma sadəcə qol vura bilmədik. Rəqibin əks-hücumlarının qarşısını almaqda əla iş gördük, bu baxımdan çox yaxşı oynadıq. Sonradan meydana daxil olan futbolçular da komandaya fayda verdilər. Panama ilə oyuna dörd gün qalır. Həmin qarşılaşma barədə daha sonra düşünəcəyik".

Qeyd edək ki, İngiltərə - Qana oyununda hesab (0:0) açılmayıb.

Oxşar xəbərlər

Qana millisinin baş məşqçisi Karluş Keyroş: "Dünya çempionatında qələbə asan əldə olunmur"

Karluş Keyroş: "İngiltərə fasiləyə yollanarkən artıq başa düşürdü ki, bizi məğlub edə bilmir"

DÇ-2026: Qana millisi Panama yığmasını məğlub edib

DÇ-2026: İngiltərə millisi Qana yığması ilə heç-heçə edib

DÇ-2026: İngiltərə Qana ilə oyunda xal itirib - YENİLƏNİB-3