Ukraynalı uşaqlardan ibarət növbəti qrup reabilitasiya üçün Azərbaycana gəlib.

“Sizinxeber.az” xəbər verir ki, bu barədə Ukraynanın Azərbaycandakı səfiri Yuri Qusev sosial şəbəkə hesabında yazıb.

Səfirin sözlərinə görə, onlar əsasən itkin düşmüş və ya həlak olmuş Ukrayna hərbçilərinin uşaqlarıdır.

Y.Qusev vurğulayıb ki, Heydər Əliyev Beynəlxalq Hava Limanında uşaqları Ukraynanın Azərbaycandakı səfirliyinin əməkdaşları və Ukrayna-Azərbaycan parlamentlərarası əlaqələr üzrə işçi qrupunun sədri, Milli Məclisin deputatı Əlibala Məhərrəmzadə qarşılayıblar.

"Uşaqlar Quba sanatoriyasında reabilitasiya keçə, Azərbaycan mədəniyyəti ilə tanış ola, Bakının görməli yerlərini, o cümlədən Ukrayna Mərkəzini ziyarət edə biləcəklər", - məlumatda bildirilib.

Diplomat həmçinin əlavə edib ki, bu, reabilitasiya üçün Ukraynadan gələn uşaqlardan ibarət doqquzuncu qrupdur.

"Dəstəyə görə Azərbaycana və onun xalqına təşəkkür edirik. Bu, təkcə dostluğun əsl təzahürü deyil, həm də Ukrayna-Azərbaycan strateji tərəfdaşlığının möhkəmləndirilməsinə mühüm töhfədir", - Y.Qusev qeyd edib.

Oxşar xəbərlər

Səfir: Ukraynalı uşaqlar üçün reabilitasiya proqramına görə Azərbaycana minnətdarıq

Ukrayna səfiri: Azərbaycanlı tərəfdaşlarımıza göstərdikləri davamlı dəstəyə görə minnətdarıq

Ukraynadan daha bir qrup uşaq Azərbaycana gətirilib

Ukraynadan daha 30 uşaq reabilitasiya xidmətləri üçün Azərbaycana gətirilib

Ukraynalı uşaqların Azərbaycan Milli Xalça Muzeyinə ekskursiyası təşkil edilib