Ukraynanın Azərbaycandakı səfiri Yuri Husyev ukraynalı uşaqların terapiyadan keçdiyi Qəbələ Uşaq Reabilitasiya Mərkəzini ziyarət edib.

“Report” xəbər verir ki, bu barədə diplomat sosial şəbəkədə yazıb.

“Müdafiəçilərimizin ailələrindən olan 30 uşağın terapiyadan keçdiyi Qəbələ [Uşaq] Reabilitasiya Mərkəzinə baş çəkməkdən şərəf duyuruq. Azərbaycanlı tərəfdaşlarımıza göstərdikləri davamlı dəstəyə görə minnətdarıq. Növbəti qrupu səbirsizliklə gözləyirik!”, – o qeyd edib.

Xatırladaq ki, oktyabrın 1-də daha 30 ukraynalı uşağın reabilitasiya xidmətləri ilə təmin edilmək üçün Azərbaycana gətirildiyi barədə məlumat yayılmışdı. Qeyd edək ki, bundan əvvəlki 5 qrupla birlikdə ümumilikdə 180-dən çox ukraynalı uşaq Azərbaycana gətirilərək sosial-psixoloji reabilitasiya xidmətləri ilə təmin edilmişdi.

Oxşar xəbərlər

Ukraynadan daha 30 uşaq reabilitasiya xidmətləri üçün Azərbaycana gətirilib

Ukraynadan daha 34 uşaq reabilitasiya xidmətləri ilə təmin edilmək üçün ölkəmizə gətirilib

Ukraynalı uşaqlar Qəbələ Uşaq Reabilitasiya Mərkəzində reabilitasiya xidmətlərinə cəlb olunublar

Səfir: Ukraynalı uşaqlar üçün reabilitasiya proqramına görə Azərbaycana minnətdarıq

Əlilliyi olan 15 mindən çox uşağa reabilitasiya xidmətləri göstərilib