Əgər biz münaqişədən sonrakı reallıqların formalaşdırılmasında beynəlxalq parlament diplomatiyasının potensialından tam istifadə etmək istəyiriksə, o zaman parlamentarilər Azərbaycan-Ermənistan münasibətlərinin gələcəyinin müəyyənləşdirilməsində fəal rol oynamalıdırlar.

“Sizinxeber.az”un Türkiyə bürosunun xəbərinə görə, bunu Türkiyədə 4-cü Antalya Diplomatik Forumu çərçivəsində “Beynəlxalq idarəçilikdə parlament diplomatiyası” mövzusunda paneldə Azərbaycan Milli Məclisinin deputatı Ramil Həsən bildirib.

O deyib ki, Türkiyənin bütün münaqişəli məsələlərdə insanlara göstərdiyi qərəzsiz dəstəyi onu qlobal əhatəli diplomatiya modeli kimi möhkəmlədir:

“Türkiyə Cümhuriyyətinin lütfkarlıqla ev sahibliyi etdiyi bu mötəbər forum dialoq üçün həyati və vaxtında fürsət təqdim edir. Biz hər il bu mötəbər toplantılara aktual beynəlxalq məsələləri müzakirə etmək üçün toplaşırıq. Bu il “Parçalanan dünyada diplomatiyaya yiyələnmək” mövzusu altında bir daha qlobal nizamın qarşısında duran çağırışları kollektiv şəkildə həll etmək üçün platforma təqdim edirik. Türkiyənin xüsusilə parlament diplomatiyasındakı nailiyyətləri digər xalqlar və çoxtərəfli institutlar üçün ilham mənbəyi olmalıdır.

Bu kontekstdə mən də Qərbi Azərbaycan İcmasına diqqət çəkməklə bugünkü panelin əhəmiyyətini vurğulamaq istərdim. Ermənistanla gözlənilən sülh sazişinin imzalanması ilə biz etimadın bərpası, barışığın təşviqi və ləyaqətli münasibətləri tələb edən yeni dövrə qədəm qoyuruq”, - deyə deputat qeyd edib.

Oxşar xəbərlər

Ziyafət Əsgərov: Parlament diplomatiyası Azərbaycan və Türkiyənin maraqlarını nəzərə almalıdır

Milli Məclisdə Beynəlxalq Parlament Konfransı öz işinə başlayıb

Milli Məclisdə beynəlxalq parlament konfransı keçiriləcək

Mövlud Çavuşoğlu: Qlobal Bakı Forumu ilə Antalya Forumu arasında əməkdaşlıq imkanları müzakirə ediləcək

Azərbaycan Prezidenti İlham Əliyev Türkiyədə işgüzar səfərdədir