Avropa öz iqtisadiyyatını daha da gücləndirməlidir.

“Report” xəbər verir ki, bunu Avropa İttifaqı Şurasının keçmiş Prezidenti Şarl Mişel XII Qlobal Bakı Forumunda deyib.

Onun sözlərinə görə, ticarət müharibəsi Ağ Evdə başlayan hadisənin nəticəsi ola bilər:

“Avropalılar heç vaxt görülmədiyi qədər özlərinə inamlı olmalı və addımlarını bu əsasda atmalıdırlar. Təsisat inkişafına daha çox sərmayə yatırlmalı, iqtisadiyyat daha da gücləndirilməlidir. Biz əl-ələ verib Ümumdünya Ticarət Təşkilatı ilə işləməliyik. Çünki bu yolla effektiv qərarlar qəbul etmək mümkün olar”.

Ş.Mişel bildirib ki, Avropa ölkələri ittifaq ölkələrindən kənarda da güclü əlaqələr qurmalıdırlar:

“Afrika, Latın Amerikası, Asiya ilə əlaqələri genişləndirmək lazımdır. Bu həm iqtisadiyyata, həm də təhlükəsizliyə töhfə verər. Regional təşkilatların rolu gələcəkdə daha da artacaq, biz onlarla da əlaqəni sıxlaşdırmalıyıq”.

Oxşar xəbərlər

Şarl Mişel: Ticarət müharibəsi Ağ Evdə başlayan ideyanın nəticəsi ola bilər

Şarl Mişel: Müasir dünyaya dialoq üçün platforma lazımdır

Şarl Mişel COP29-da iştirak edəcək

Şarl Mişel: Avropa İttifaqı Ukraynanın Sülh Formulunu dəstəkləyir

Şarl Mişel noyabrın 29-da tutduğu postu Antonio Kostaya təhvil verəcək