Azərbaycanın MDB ölkələri ilə ticarət-iqtisadi münasibətləri ardıcıl surətdə güclənərək müsbət dinamika nümayiş etdirir.

"Report"un Qazaxıstan bürosunun məlumatına görə, bunu Baş nazir Əli Əsədov bu gün Aşqabadda MDB Hökumət Başçıları Şurasının iclasında çıxışı zamanı bildirib.

"2025-ci ildə Azərbaycanla MDB dövlətləri arasında ticarət dövriyyəsinin həcmi 10 %-dən çox artıb", - Ə.Əsədov bildirib.

Onun sözlərinə görə, eyni zamanda, qarşılıqlı ticarətin, investisiya əməkdaşlığının daha da genişləndirilməsi və müxtəlif sahələrdə birgə layihələrin həyata keçirilməsi üçün əhəmiyyətli potensial mövcuddur.

Baş nazir vurğulayıb ki, Azərbaycan MDB çərçivəsində həmişə mehriban qonşuluq, qarşılıqlı hörmət və konstruktiv tərəfdaşlıq prinsiplərinə sadiqlik nümayiş etdirir.

"Biz bundan sonra da MDB-nin üzvü olan dövlətlər arasında qarşılıqlı əməkdaşlığı sabitlik, dayanıqlı inkişaf və xalqlarımızın rifahı naminə gücləndirmək niyyətindəyik", - Ə.Əsədov əlavə edib.

Oxşar xəbərlər

Baş nazir Əli Əsədov Serbiyanın mədəniyyət naziri ilə görüşüb

Azərbaycan Aİ ölkələri ilə ticarət dövriyyəsini 28 %-ə yaxın artırıb

Əli Əsədov: Azərbaycan Aİİ ölkələri ilə iqlim problemlərinin həllində əməkdaşlığa hazırdır

Qətər rəsmisi: "KƏŞ ölkələri və Azərbaycan arasında qarşılıqlı investisiya üçün perspektivlər var"

Azərbaycanın Avropa İttifaqı ölkələri ilə ticarət dövriyyəsi 23 %-ə yaxın artıb