Bakıda Azərbaycan və Ukrayna arasında diplomatik münasibətlərin 33 illiyi qeyd edilib
sizinxeber.az xəbər saytı

Bakıda Azərbaycan və Ukrayna arasında diplomatik münasibətlərin 33 illiyi qeyd edilib


Ukraynanın Bakıdakı səfirliyi Azərbaycanla diplomatik münasibətlərin 33-cü ildönümü münasibətilə tədbir təşkil edib.

“Report” xəbər verir ki, tədbirdə çıxış edən Ukraynanın Azərbaycandakı səfiri Yuri Qusev ikitərəfli münasibətlərin mövcud vəziyyətini dəyərləndirib.

"Son üç onillikdə Azərbaycan və Ukrayna etibarlı münasibətlər və əməkdaşlıq üçün möhkəm təməl qurub", - səfir bildirib.

O, Ukraynanın suverenliyi və ərazi bütövlüyünə dəstəyinə görə Azərbaycana təşəkkür edib, həmçinin iqtisadi və humanitar sahələrdə əməkdaşlığın gücləndirilməsində iki ölkənin parlamentlərarası missiyalarının mühüm rolunu vurğulayıb.

"Ölkələrimiz arasında iqtisadi əlaqələr inkişaf etməkdə davam edir. Biz, həmçinin Azərbaycan Prezidenti İlham Əliyevə və Azərbaycan xalqına Ukraynaya 1 milyon dollar məbləğində növbəti humanitar yardım paketinə görə təşəkkürümüzü bildirmək istərdik", - diplomat qeyd edib.

Y.Qusev, həmçinin Ukraynanın humanitar minalardan təmizlənməsinə dəstəyinə görə Azərbaycana təşəkkür edib və bu sahədə gələcək əməkdaşlığa ümid etdiyini bildirib. O, münaqişədən zərər çəkmiş ukraynalı uşaqlarının reabilitasiyasına göstərilən köməyə görə də təşəkkürünü ifadə edib.

Foto: Samirə Həsənova

Oxşar xəbərlər

Səfir: Ukrayna və Azərbaycan regionda və dünyada ədalətli sülh, sabitlik və rifaha can atır
Bakıda Ukrayna Kino Günləri keçirilir
Səfir: "Ukrayna Azərbaycana ixracı 15 % artırıb"
Səfir: Ukrayna üçün COP29 xüsusi əhəmiyyət kəsb edir
Ukrayna və Küveytin Bakıdakı səfirləri əməkdaşlıq məsələlərini müzakirə ediblər

Ən son xəbərləri bizim

"Facebook" səhifəmizdə izləyin

Digər xəbərlər