Ölkələr milli mənzil siyasətlərini yeniləməlidir.

"Sizinxeber.az" xəbər verir ki, bunu BMT-nin Məskunlaşma Proqramının (UN-Habitat) Qlobal Tədqiqat və Analitika Bölməsinin nümayəndəsi Matthijs van Oostrum Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunmuş "Siyasətdən Təsirə: Mənzil Təminatının Miqyasının Artırılması" adlı tədbirdə bildirib.

"Əgər ölkənizin hələ də milli mənzil siyasəti yoxdursa, hazırlanmalıdır. ​Digər bir məqam isə odur ki, bir çox ölkələrin olduqca köhnə, bəzən 10 ildən çox əvvəl qəbul edilmiş milli mənzil siyasətləri var. Ona görə də, xüsusən də mənzil böhranımızın dəyişən xarakterini nəzərə alaraq, onları yeniləmək vacibdir. Milli mənzil qanunları ilə siyasətin inteqrasiyasına malik olmaq vacibdir. Lazımi mənzil təminatının fərqli ölçülərinə və fərqli mövzulara baxaraq əhatəli yanaşmaya malik olmaq vacibdir; Yeni Şəhər Gündəliyi (NUA) və Dayanıqlı İnkişaf Məqsədləri (SDG) daxil olmaqla qlobal çərçivələrlə uyğunlaşmaq vacibdir.

Lazımi mənzil təminatı üzrə davam edən açıq tərkibli işçi qrupumuz var. onların 2029-cu ilə qədər müzakirə edəcəkləri əsas mövzulardan biri, əslində, bu inteqrasiya olunmuş milli mənzil siyasəti məsələsidir. Beləliklə, "Habitat"da bu barədə daha çox yeniliklər gözlənilir. Və ümid edirəm ki, nə vaxtsa biz, eyni zamanda bunu tamamlamaq üçün milli şəhərsalma siyasətləri üzərində işlədiyimiz qaydada normativ alətlər də hazırlaya biləcəyik", - deyə o qeyd edib.

Oxşar xəbərlər

UN-Habitat: Miqrantlar, nəqliyyat və boş mənzillər milli siyasətlərdə zəif əks olunur

UN-Habitat: Davamlılıq milli mənzil siyasətlərində əsas prioritetə çevrilib

UN-Habitat nümayəndəsi mənzil təminatındakı əsas çətinlikləri açıqlayıb

UN-Habitat: Zəif mülkiyyət hüququ həssas qrupları mənzil təminatından kənar edir

UN-Habitatın əməkdaşı: Ölkələr milli mənzil siyasətini müxtəlif yollarla həyata keçirirlər