Ankarada yanvarın 29-da keçiriləcək Azərbaycan, Türkiyə və Özbəkistan xarici işlər nazirlərinin üçtərəfli görüşünün gündəliyi əməkdaşlığın demək olar, bütün aspektlərini əhatə edir.

Bunu "Sizinxeber.az"a açıqlamasında Özbəkistan xarici işlər nazirinin müşaviri, mətbuat katibi Ahror Burxanov deyib.

"Görüşün gündəliyi çox zəngindir. Bu platformanı ölkələrimiz arasında istifadə olunmamış böyük potensialın reallaşdırılması üçün çox vacib meydan hesab edirik", - o vurğulayıb.

A.Burxanov vurğulayıb ki, hazırda bu formata digər ölkələrin cəlb edilməsi nəzərdən keçirilmir.

"2025-ci ildə müxtəlif səviyyələrdə bir sıra tədbirlər və səfərlər planlaşdırılır", - o, Bakı və Daşkənd arasında ikitərəfli münasibətləri şərh edərkən bildirib.

Xatırladaq ki, Azərbaycan, Özbəkistan və Türkiyə XİN başçıları səviyyəsində ilk görüş 2022-ci il avqustun 2-də Daşkənddə keçirilib.

Oxşar xəbərlər

Səfir: Bakı ilə Daşkənd arasında sənaye kooperasiyasının inkişafı çox vacibdir

Türkiyə ilə Özbəkistan arasında əməkdaşlıqla bağlı yol xəritəsi imzalanıb

Azərbaycanla Özbəkistan arasında konsulluq məsləhətləşmələri keçirilib

Fərhad Məmmədov: Bakı və Daşkənd çoxtərəfli platformalar çərçivəsində fəal əməkdaşlıq edir

Azərbaycanla Özbəkistan arasında iki Saziş təsdiqlənib