Bakı ilə Daşkənd arasında əməkdaşlıqda prioritet istiqaməti sənaye kooperasiyasının inkişafıdır.

“Report” xəbər verir ki, bunu Özbəkistanın Azərbaycandakı səfiri Bahrom Aşrafxanov Beynəlxalq Münasibətlərin Təhlili Mərkəzinin (BMTM) və Özbəkistan Respublikası Prezidenti yanında Strateji və Bölgələrarası Araşdırmalar İnstitutunun birgə təşkilatçılığı ilə keçirilən “Azərbaycan və Özbəkistan: qarşılıqlı faydalı əməkdaşlığın yeni perspektivləri” adlı tədbirdə çıxışı zamanı deyib.

“Azərbaycan Prezidenti İlham Əliyevin Özbəkistana dövlət səfəri zamanı müttəfiqlik münasibətlərinin qurulması ilə bağlı tarixi sənəd imzalanıb”, - o bildirib.

İki ölkə arasında 11 qardaşlaşmış şəhərin olduğunu bildirən səfir bunu sıx əməkdaşlığın nümunəsi adlandırıb: “Azərbaycan Özbəkistan üçün Avropaya körpü rolunu oynayır. Özbəkistan isə Azərbaycan üçün Asiyaya körpü kimi xidmət edə bilər”.

B.Aşrafxanov 2025-ci ilin “Özbəkistan-Azərbaycan iqtisadi kooperasiyası ili” olacağını xatırladıb.

Oxşar xəbərlər

Fərid Şəfiyev: Azərbaycanla Özbəkistan arasında çox sıx əlaqələr formalaşıb

Bəxtiyor Mustafayev: İlham Əliyevin Özbəkistana səfəri çoxşaxəli əməkdaşlıqda yeni mərhələyə işarə edir

Mirziyoyev: Bakı ilə Daşkənd arasında ticarətin həcmini iki dəfə artırmaq üçün bütün əsaslar var

Azərbaycanla Özbəkistan arasında 11 sənəd imzalanıb

Mirziyoyev: Bakı və Daşkənd qarşısında sənaye əməkdaşlığının yeni mərhələsinə keçmək vəzifəsi durur