Azərbaycanın Pakistandakı səfiri Xəzər Fərhadov Pakistanın senatoru ilə ticarət və investisiya imkanlarının artırılmasını, habelə parlament əlaqələrinin gücləndirilməsi məsələlərini müzakirə edib.

“Report” xəbər verir ki, bu barədə Pakistan Senatının mətbuat xidməti bildirib.

“Azərbaycanın səfiri Zati-aliləri cənab Xəzər Fərhadov Senat Katibliyində Baş Təşkilatçı senator Səlim Mandvivalla ilə görüşüb”, – qurumun sosial şəbəkə hesabında qeyd olunub.

Bildirilib ki, tərəflər “Azərbaycan və Pakistan arasında ikitərəfli əlaqələrin dərinləşdirilməsi, ticarət və investisiya imkanlarının artırılması və parlament əlaqələrinin gücləndirilməsi məsələləri” ətrafında fikir mübadiləsi aparıblar.

“Müzakirələr müxtəlif iqtisadi sektorlarda əməkdaşlığın gücləndirilməsi və investisiya və biznes əməkdaşlığı üçün imkanların kəşf edilməsi də daxil olmaqla bir sıra mövzuları əhatə edib”, – paylaşımda vurğulanıb.

Oxşar xəbərlər

Azərbaycan Pakistanla investisiya imkanlarını genişləndirməyi müzakirə edib

Səfir pakistanlı nazirlə Bakı və İslamabad arasında iqtisadi əməkdaşlığın gücləndirilməsini müzakirə edib

Senat sədri: Pakistan COP29-da layiqli şəkildə iştirak edəcək

Azərbaycan və Pakistan biznes üçün erkən fəaliyyət planının hazırlanması barədə razılığa gəlib

Azərbaycan səfiri Əfqanıstanın iqtisadiyyat naziri əvəzi ilə ticarət və tranziti müzakirə edib