Milli Məclisin bir sıra deputatları Gürcüstanda oktyabrın 26-a planlaşdırılmış parlament seçkilərini izləyəcəklər.

“Report”a Milli Məclisdən daxil olan xəbərə görə, seçkiləri izləmək üçün Milli Məclisin Müdafiə, təhlükəsizlik və korrupsiya ilə mübarizə komitəsinin sədri, Gürcüstanla parlamentlərarası əlaqələr üzrə işçi qrupunun rəhbəri Arzu Nağıyev, deputatlardan Nizami Səfərov, Kəmaləddin Qafarov, Hikmət Məmmədov, Elşən Musayev, Sahib Alıyev, Anar Məmmədov və Tural Gəncəliyev Tbilisi şəhərinə səfər edəcəklər.

Milli Məclisin deputatları Gürcüstan parlamentinə seçkilərin hazırlıq səviyyəsi ilə maraqlanacaq, seçki məntəqələrində yaradılmış şəraitlə tanış olacaq, səsvermə günü vətəndaşların fəallığını və səslərin sayılması prosesini izləyəcəklər.

Səfər oktyabrın 27-də başa çatacaq.

Oxşar xəbərlər

Milli Məclisin deputatları Özbəkistanda parlament seçkilərini müşahidə edəcəklər

Azərbaycanlı deputatlar Qazaxıstanda referendumu müşahidə edəcəklər

Milli Məclisin komitə sədri Moldovada seçkiləri müşahidə edəcək

VII çağırış Milli Məclisin komitələri formalaşdırılıb

Milli Məclisin komitələrinə sədr seçilib - TAM SİYAHI