Futbol üzrə İran millisi dünya çempionatında bütünü gücünü ortaya qoyub.

"Sizinxeber.az" "Fars" agentliyinə istinadən xəbər verir ki, bunu İran Prezidenti Məsud Pezeşkian deyib.

"Siz necə gözəl anların yaradıldığını gördünüz. Oyunçular var gücləri ilə çalışıblar və İranın himnini qürurla ifa ediblər", - o bildirib.

Onun sözlərinə görə, hazırda İran dünyanın diqqət mərkəzindədir:

"İran və iranlılar haqqında hörmətlə danışırlar, bu uğur isə birlik və həmrəyliyin nəticəsindən başqa bir şey deyil".

Xatırladaq ki, İranın son oyunu Los-Anceles stadionunda Belçika ilə baş tutub və hesab açılmayıb - 0:0. Bundan əvvəl İran və Yeni Zelandiya oyununda da qalib müəyyənləşməyib.

İslam Respublikasının yığmasının yer aldığı G qrupuna 4 xalla Misir liderlik edir, İran və Belçikanın 2, Yeni Zelandiyanın isə 1 xalı var. İran millisi son oyunda Misirlə üz-üzə gələcək. Ümumiyyətlə, bu qrupun taleyi üçüncü matçda həll olunacaq, çünki Belçika da Yeni Zelandiyaya qalib gələcəyi təqdirdə, növbəti mərhələyə adlayacaq.

Oxşar xəbərlər

Dünya çempionatı: İran və Yeni Zelandiya oyununda qalib müəyyənləşməyib

DÇ-2026: Belçika - İran oyununda qalib müəyyənləşməyib - YENİLƏNİB-3

Pezeşkian DÇ-2026-ya yollanacaq futbol üzrə İran yığmasının düşərgəsində olub

Məsud Pezeşkian: İran qonşuları və bölgə ölkələri ilə münasibətlərdə yeni səhifə açmağa hazırdır

İran XİN başçısı: Pezeşkian iki həftə ərzində Ermənistana səfər edəcək