Azərbaycan və Kolumbiya XİN-ləri arasında konsulluq məsləhətləşmələri keçirilib
sizinxeber.az xəbər saytı

Azərbaycan və Kolumbiya XİN-ləri arasında konsulluq məsləhətləşmələri keçirilib


4 oktyabr 2024-cü il tarixində Azərbaycan Respublikası və Kolumbiya Respublikasının Xarici İşlər Nazirlikləri arasında video-konfrans formatında ilk konsulluq məsləhətləşmələri keçirilib.

Sizinxeber.az XİN-ə istinadən xəbər verir ki, məsləhətləşmələrdə Azərbaycan nümayəndə heyətinə Azərbaycan Respublikası Xarici İşlər Nazirliyinin Konsulluq idarəsinin rəisi Emil Səfərov, Kolumbiya nümayəndə heyətinə isə Kolumbiya Respublikası Xarici İşlər Nazirliyinin Avropa idarəsinin rəisi Patrisiya Kortes Ortis rəhbərlik edib.

Konsulluq məsləhətləşmələri zamanı Kolumbiya ilə konsulluq sahəsində əməkdaşlığın cari vəziyyəti və inkişaf perspektivləri, o cümlədən sahə üzrə yeni ikitərəfli sənədlərin imzalanması imkanları barədə fikir mübadiləsi aparılıb.

Eyni zamanda, danışıqlar zamanı iki ölkə vətəndaşlarının hüquq və azadlıqlarının qorunması, miqrasiya və daxili işlər sahələrində əlaqələrin inkişaf etdirilməsi, rəsmi sənədlərin leqallaşdırılması və ya onlara apostilin verilməsinin rəqəmsallaşdırılması, iki ölkə vətəndaşlarının qarşılıqlı səfərlərinin sadələşdirilməsi barədə müzakirələr aparılıb.

Oxşar xəbərlər

Azərbaycan və Kolumbiya arasında ilk konsulluq məsləhətləşmələri keçirilib
Azərbaycan və Özbəkistan XİN-ləri arasında növbəti konsulluq məsləhətləşmələri keçirilib
Azərbaycanla Özbəkistan arasında konsulluq məsləhətləşmələri keçirilib
Budapeştdə ilk Azərbaycan-Macarıstan konsulluq məsləhətləşmələri keçirilib
Samir Şərifov İranın Xarici İşlər Nazirliyinin Konsulluq İdarəsinin rəisi Əlirza Mahmudi ilə görüşüb - FOTO - YENİLƏNİB

Ən son xəbərləri bizim

"Facebook" səhifəmizdə izləyin

Digər xəbərlər