Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Maqdalena Qrono Bakıda keçirdiyi görüşlərdə müzakirə olunan məsələləri açıqlayıb.

APA xəbər verir ki, o, bu barədə “X” hesabında bildirib.

“Yenidən Bakıda olmaqdan və azərbaycanlı tərəfdaşlarımla, o cümlədən Prezidentin köməkçisi Hikmət Hacıyev və Prezidentin xüsusi tapşırıqlar üzrə nümayəndəsi Elçin Əmirbəyov, eləcə də xarici işlər nazirinin müavini Elnur Məmmədov ilə intensiv məsləhətləşmələr aparmaqdan məmnunam.

Müzakirələrimiz regional proseslər, Avropa İttifaqı–Azərbaycan münasibətləri, nəqliyyat-logistika imkanları və Azərbaycan–Ermənistan sülh prosesi, həmçinin Avropa İttifaqının Azərbaycanda və Ermənistanda keçirəcəyi yüksək səviyyəli təmasları ərəfəsindəki məsələlərə həsr olundu.

İki ölkə arasında davamlı sülhə gedən yolda əldə olunan tarixi nailiyyətlərin yaratdığı müsbət dinamikanın qorunmasının vacibliyi barədə razılığa gəldik. Bu istiqamətdə Avropa İttifaqı öz dəstəyini davam etdirəcək”, - Qrono qeyd edib.

Oxşar xəbərlər

Aİ rəsmisi Praqada Ermənistan və Azərbaycan arasındakı sülh prosesini müzakirə edib

Xüsusi nümayəndə: Azərbaycan Avropa İttifaqının vacib tərəfdaşıdır

Prezident İlham Əliyev Avropa İttifaqının Cənubi Qafqaz üzrə xüsusi nümayəndəsini qəbul edib

Maqdalena Qrono: Aİ-nin ali nümayəndəsinin səfəri zamanı Azərbaycanla münasibətlərin bütün spektri nəzərdən keçirildi

Aİ rəsmisi Ankarada Azərbaycan-Ermənistan normallaşma prosesini müzakirə edib