Dövlət Turizm Agentliyinin (DTA) Kollegiyası "Mehmanxanaların (hotellərin) ulduz kateqoriyaları üzrə qiymətləndirmə meyarları"nı təsdiqləyib.

"Sizinxeber.az" xəbər verir ki, bununla bağlı DTA-nın sədri Fuad Nağıyev qərar imzalayıb.

Qərara əsasən, mehmanxana (hotel) yalnız müvafiq ulduz kateqoriyası (dərəcəsi) üzrə bütün məcburi meyarlara cavab verdikdə və həmin dərəcə üçün müəyyən edilmiş minimal bal topladıqda həmin kateqoriyaya uyğun hesab olunacaq.

Belə ki, "1*" kateqoriyası almaq üçün məcburi meyarların sayı 51-dən 53-ə, "2*" kateqoriyası almaq üçün məcburi meyarların sayı 58-dən 56-ya, "3*" kateqoriyası almaq üçün məcburi meyarların sayı 80-dən 77-yə, "4*" kateqoriyası almaq üçün məcburi meyarların sayı 97-dən 96-ya, "5*" kateqoriyası almaq üçün məcburi meyarların sayı 118-dən 119-a çatıdırlıb.

Bundan başqa, minimal bal tələbi və üstünlük dərəcəsi (superior) üzrə bal tələbləri isə bütün ulduz kateqoriyaları üzrə dəyişdirilməyib.

Qeyd edək ki, eyni sahibkarlıq subyekti tərəfindən idarə olunan və müxtəlif ünvanlarda eyni ad altında fəaliyyət göstərən hotellərin hər biri üzrə qiymətləndirmə onların yerləşdiyi bina (obyekt) üzrə ayrıca aparılacaq.

Həmçinin yeni qərarda hotellərin keyfiyyət göstəriciləri və onlayn imkanlarına 'Yaşıl keçid' yanaşması da əlavə edilib. Belə ki, sənəddə hotellərin ekoloji standartlara cavab verməsi və enerjiyə qənaət edən sistemlərin qurulması məcburi bəndlər sırasına daxil edilib.

Oxşar xəbərlər

Azərbaycanda 4 hotelin ulduz kateqoriyası ləğv edilib – EKSKLÜZİV

Azərbaycanda ulduz kateqoriyası düzgün olmayan hotellərin reklamı dayandırılacaq

ƏƏSMN: Müddətsiz əlillik təyinatına əsas verən meyarların sayı 51-dən 286-ə çatdırılıb

Azərbaycanın veteran cüdoçuları dünya çempionatında iştirak edəcəklər

Azərbaycanın daha 3 hakiminin beynəlxalq kateqoriyası 3 ulduza yüksəlib