WUF13-ü yüksək səviyyədə keçirdiklərinə görə Azərbaycan hökumətinə və xalqına təşəkkür edirəm.

Sizinxeber.az xəbər verir ki, bunu BMT Baş katibinin müavini Əminə Məhəmməd Ümumdünya Şəhərsalma Forumunun 13-cü Sessiyasının (WUF13) bağlanış mərasimində çıxışında deyib.

Baş katibin müavini bildirib ki, Qarabağ və digər ərazilərdə aparılan yenidənqurma işləri, icmaların reinteqrasiyası, infrastrukturun və sülhün bərpası həmin ərazilərin sosial həmrəylik, mədəni inkişaf və iqtisadi artım mərkəzlərinə çevrilməsinə xidmət edir.

O qeyd edib ki, Azərbaycanın 2026-cı il üzrə “Şəhərsalma və Memarlıq İli” təşəbbüsü idarəetmə məsələlərini qlobal gündəmə çıxarmaqla yanaşı, qədim ənənələrlə müasir yanaşmalar arasında balans yaradır.

Əminə Məhəmməd vurğulayıb ki, iqlim dəyişiklikləri və urbanizasiya təzyiqləri dünyada təsirlərini daha da artırır.

BMT rəsmisi həmçinin UN-Habitat və BMT sisteminin əməkdaşlarına forumun uğurla keçirilməsində göstərdikləri peşəkarlığa və fədakarlığa görə təşəkkür edib.

O əlavə edib ki, bu gün bəşəriyyətin böyük hissəsi şəhərlərdə yaşayır və şəhərlər insanların həyat reallıqları əsasında formalaşdırılmalıdır.

Oxşar xəbərlər

BMT Baş katibinin müavini: WUF urbanizasiya üzrə əsas qlobal platforma olaraq qalır, Bakıdan qətiyyətlə ayrılırıq

İtaliyalı nazir müavini: Azərbaycan WUF13-ə uğurla ev sahibliyi edir

Komitə sədri: WUF13 dayanıqlı inkişafa ortaq öhdəliyi əks etdirən bir platformaya çevrilib

Anar Quliyev: 27 dövlət və hökumət başçısının iştirakı WUF13 üçün tarixi mərhələ kimi qiymətləndirilir

Anar Quliyev: WUF13-ə ev sahibliyi Azərbaycan üçün böyük şərəf və ciddi məsuliyyətdir