İndoneziya XİN başçısı: İrandan Azərbaycana 90-dan çox vətəndaşımız təxliyə edilib

İndoneziya İrandan Astara sərhəd-keçid məntəqəsi vasitəsilə Azərbaycana 90-dan çox vətəndaşını təxliyə edib.

“Report”un yerli mediaya istinadən verdiyi məlumata görə, bu barədə İndoneziyanın xarici işlər naziri Sugiono bildirib.

Nazir İrandan və İsraildən 101 İndoneziya vətəndaşının təxliyə edildiyini təsdiqləyib.

"97 nəfər quru yolu ilə İran-Azərbaycan sərhədinə təxliyə edilib. Onların arasında 93 İndoneziya vətəndaşı, səfirlik əməkdaşları, həmçinin İndoneziya vətəndaşının həyat yoldaşı bir əcnəbi var. Hazırda onlar Bakıdadırlar", - o qeyd edib.