İran-İsrail münaqişəsinin gərginləşməsindən bəri İrandan 187 Qazaxıstan vətəndaşı təxliyə edilib, onlardan 22 nəfəri ölkəni Azərbaycan vasitəsilə tərk edib.

Bu barədə “Report”un Qazaxıstan bürosuna ölkə XİN-dən eksklüziv olaraq bildirilib.

"Qazaxıstan öz vətəndaşlarını İsrail və İrandan təxliyə etməyə davam edir. Koordinasiya edilmiş tədbirlər çərçivəsində İrandan indiyədək 187 Qazaxıstan vətəndaşı təxliyə edilib. Bundan başqa, Azərbaycan ərazisi ilə 22 qazaxıstanlı, o cümlədən bu gün iki nəfər təxliyə edilib", - qurumdan dəqiqləşdiriblər.

İsraildən Misir vasitəsilə 66 qazaxıstanlı təxliyə edilib.

"Qazaxıstanın İran və İsraildəki diplomatları öz vətəndaşlarına zəruri konsulluq və hüquqi yardımın göstərilməsi istiqamətində işi davam etdirirlər", - qurumdan əlavə ediblər.

XİN Qazaxıstan vətəndaşlarının təxliyəsində göstərdikləri köməyə görə Azərbaycan, İran və digər ölkələrdəki həmkarlarına bir daha təşəkkür edib.

Oxşar xəbərlər

Türkiyə vətəndaşlarını Livandan təxliyə edir

İrandan Azərbaycana təxliyə edilən rusiyalılar arasında aktyor Koloqrivıy da var

Bondarçuk İrandan təxliyə olunduqdan sonra Azərbaycandan Moskvaya qayıdıb

İrandan təxliyə olunan xaricilərdən altı Qazaxıstan vətəndaşı Azərbaycanın Astara sərhəd-gömrük məntəqəsindən keçib - YENİLƏNİB

Qarabağda yeddi mindən çox erməni təxliyə edilib