İtaliya XİN: 60-a yaxın vətəndaşımız İrandan Azərbaycana təxliyə edilib

Bu günədək təxminən 60 İtaliya vətəndaşı İrandan "Astara" sərhəd-keçid məntəqəsi vasitəsilə Azərbaycana təxliyə edilib.

Bu barədə “Report” İtaliyanın Xarici İşlər Nazirliyinə istinadən məlumat verir.

"24 nəfərdən ibarət ikinci qrup İtaliyanın Tehrandakı səfirliyinin köməyi ilə səhər saatlarında İranın paytaxtından Astara şəhərinə yola düşüb. Qrupu İtaliyanın Bakıdakı səfirliyinin nümayəndələri qarşılayıb, daha sonra onlar ilk mümkün reyslə İtaliyaya uçmaq üçün Bakı hava limanına yollanıblar", - məlumatda deyilir.

Bildirilib təxliyənin birinci mərhələsi çərçivəsində İrandan Azərbaycana 34 İtaliya vətəndaşı gəlib.