Milli Məclis gəmilərdən tullantı və başqa predmetlər atmağa görə cərimə məbləğinin artırılmasını birinci oxunuşda təsdiqləyib.

“Report” xəbər verir ki, bununla bağlı parlamentin bugünkü plenar iclasında İnzibati Xətalar Məcəlləsinə təklif edilən dəyişiklik layihəsi müzakirəyə çıxarılıb.

Dəyişikliklə qeyd olunan cərimə məbləği 30 manatdan 300 manata qədər artırılıb.

Bundan başqa, yollara və ya yol qurğularına tullantı və ya nəqliyyat vasitələrindən bayıra hər hansı əşya atılmasına görə fiziki şəxslər 200 manat məbləğində, vəzifəli şəxslər 1 000 manat məbləğində, hüquqi şəxslər isə 4 000 manat məbləğində cərimə ediləcək.

Dəyişiklik layihəsi səsverməyə çıxarılaraq birinci oxunuşda təsdiqlənib.

Oxşar xəbərlər

Məişət tullantılarını kənara atanların 7 min manatadək cərimələnməsi birinci oxunuşda təsdiqlənib

Deputatlar iriqabaritli avtomobillərin normadan artıq yüklənməsinə görə cərimələrin artırılmasına səs veriblər

Parklanma qaydalarının pozulmasına görə yeni cərimələr qəbul edilib, bəziləri isə artırılıb - SİYAHI

Svetoforun qırmızı işığında keçən və “protiv” sürənlər 100 manat cərimə olunacaq

Milli Məclis sürücülük vəsiqəsi olmadan avtomobil idarə edilməsinə görə cərimənin iki dəfə artırılmasını təsdiqləyib