Azərbaycan ICMP-nin itkin düşmüş şəxslərə aid məzar yerləri barədə məlumatları təqdim etməsi ilə bağlı Ermənistan qarşısında məsələ qaldırmasından və vasitəçi olmasından məmnun olardı.

"Report" xəbər verir ki, bu barədə Dövlət Təhlükəsizliyi Xidməti rəisinin müavini general-leytenant Şərafət Həsənov İtkin düşmüş Şəxslər üzrə Beynəlxalq Komissiyanın (ICMP) "Azərbaycan Respublikasında itkin düşmüş şəxslərin axtarışı üzrə qiymətləndirmə hesabatı"nın təqdimatında deyib.

Onun sözlərinə görə, təşkilat məhkəmə ekspertizası sahəsində böyük iş təcrübəsinə, texniki imkanlara və mütəxəssis heyətinə malikdir, davamlı əməkdaşlıq itkinlərin taleyinin aşkarlanması sahəsində yeni imkanlar açacaq:

"Xüsusilə Azərbaycanın mütəxəssis heyətinə təlimlərin keçirilməsi, dəfn yerlərinin axtarışı, qazıntı, ekshumasiya, o cümlədən qalıqların eyniləşdirilməsi sahəsində yeni metodologiyaların və texnologiyaların tətbiqi vacibdir. Ən ciddi çətinlik isə qarışıq sümüklərin eyniləşdirilməsindədir".

Oxşar xəbərlər

İtkin düşmüş şəxslərin ailələri ilə görüş təşkil olunacaq

Şərafət Həsənov: Ermənistan Azərbaycanda meyitlərinin axtarılmasında çətinlik çəkmədi

DTX generalı: İtkin düşmüş şəxslərin taleyi ilə bağlı məsələdə erməni tərəfi ilə əməkdaşlığa hazırıq

Azərbaycanda 3 700-dən çox itkinlə bağlı 11 mindən artıq donordan bioloji nümunələr toplanılıb

İCMP itkin düşmüş şəxslərin axtarışı üçün Azərbaycana arxeoloqlar göndərə bilər