ABŞ-də süni intellektin inkişafına 500 milyard dollar sərmayə qoyacaq şirkət yaradılacaq

ABŞ prezidenti Donald Tramp ölkədə süni intellektin inkişafına 500 milyard dollar sərmayə qoyacaq “Stargate” adlı şirkətin yaradılacağını açıqlayıb.

“Report” xəbər verir ki, “Stargate” adlanan layihənin ərsəyə gəlməsində “OpenAI”, “SoftBank Group” və “Oracle” kimi şirkətlər iştirak edəcək.

“Odur ki, bu adı özünüz üçün yazın, çünki gələcəkdə bu barədə tez-tez eşidəcəyinizi düşünürəm. Bu, ABŞ-də süni intellekt nfrastrukturuna ən azı 500 milyard dollar sərmayə qoyacaq yeni Amerika şirkətidir”- deyə, o əlavə edib.

O, həmçinin qeyd edib ki, layihə 100 min iş yerinin yaradılmasına imkan verəcək.