ABŞ-nin “Boeing Co.” konserni “787 Dreamliner” təyyarələrinin istehsal edildiyi Cənubi Karolinadakı istehsal kompleksinin genişləndirilməsinə 1 milyard dollar sərmayə qoyacaq.

Bu barədə “Report” konsernin məlumatına istinadən xəbər verir.

Qeyd olunur ki, əməliyyatların genişləndirilməsi “Boeing”in bu laynerlərin istehsalı üzrə hədəf göstəricilərə çatmasına kömək edəcək. “787 Dreamliner” təyyarələrinin istehsalı proqramı 2026-cı ilə qədər aylıq istehsalın 10 təyyarəyə qədər artırılmasını nəzərdə tutur.

“Boeing” cari ilin sonuna qədər “787 Dreamliner” laynerlərinin aylıq istehsal həcmini 5-ə çatdırmağı planlaşdırır.

Cənubi Karolinadakı “Boeing” müəssisəsi 2009-cu ildən fəaliyyət göstərir. Hazırda müəssisədə 7,8 mindən çox insan çalışır. Əməliyyatların genişləndirilməsinin növbəti beş il ərzində zavodda əlavə 500 iş yerinin yaradılmasına imkan verəcəyi gözlənilir.

Oxşar xəbərlər

AZAL Bakıda “Boeing 787 Dreamliner” uçuş simulyatorunu nümayiş etdirir

“Boeing” işçilərinin 10 faizini ixtisar edəcək

Jurnalistlər təyyarənin sükanı arxasında: Azərbaycandan ABŞ-ə virtual səyahət - FOTO