Ötən ilin avqust ayında imzalanan “Dövlət orqanları (qurumları) arasında sənəd mübadiləsinin elektronlaşdırılması haqqında” Fərmanın icrası ilə əlaqədar bu günə qədər 73 dövlət qurumundan onların elektron sənəd dövriyyəsi sistemlərinin altsistemə inteqrasiyası üçün Xüsusi Rabitə və İnformasiya Təhlükəsizliyi Dövlət Xidmətinə informasiya təhlükəsizliyi tələblərinə cavab verməsi üzrə rəy verilməsi barədə müraciətlər daxil olub.

Bu barədə “APA-Economics”ə Dövlət Xidmətindən bildirilib.

Məlumata görə, daxil olmuş müraciətlər əsasında Xidmət tərəfindən aparılan informasiya təhlükəsizliyi auditləri zamanı dövlət qurumlarının istifadəsində olan daxili elektron sənəd dövriyyəsi sistemlərində aşkarlanan informasiya təhlükəsizliyi boşluqları və onların aradan qaldırılması istiqamətində tövsiyələr həmin dövlət qurumlarına göndərilmişdir. Hazırda informasiya təhlükəsizliyi üzrə müsbət rəy almış 63 dövlət qurumunun daxili elektron sənəd dövriyyəsi sistemi mühafizə olunan telekommunikasiya kanalları - AzStateNet data şəbəkəsi vasitəsilə “Rəqəmsal Sənəd Dövriyyəsi” altsisteminə qoşulub.

Qeyd edək ki, Azərbaycan Respublikası Prezidentinin 01 avqust 2023-cü il tarixli 2279 nömrəli “Dövlət orqanları (qurumları) arasında sənəd mübadiləsinin elektronlaşdırılması haqqında” Fərmanının 8-ci bəndlərinə əsasən dövlət orqanlarının istifadəsində olan elektron sənəd dövriyyəsi sistemlərinin və həmçinin Rəqəmsal İnkişaf və Nəqliyyat Nazirliyi tərəfindən yaradılan “Rəqəmsal Sənəd Dövriyyəsi” altsisteminin informasiya təhlükəsizliyi tələblərinə cavab verməsi ilə bağlı rəyin verilməsi və mühafizə olunan telekommunikasiya kanalları ilə təmin edilməsi Xidmətə tapşırılıb.

Oxşar xəbərlər

Dərman vasitələrinin təqib və izləmə sistemi yaradılacaq

Ötən il Azərbaycanda 7 mindən çox vətəndaş hakerlərin qurbanı olub

Azərbaycanla Qazaxıstan arasında informasiya təhlükəsizliyi sahəsində Anlaşma Memorandumu imzalanıb

Azərbaycanla Qazaxıstan arasında Anlaşma Memorandumu imzalanıb

BMT-nin “Kibercinayətkarlığa qarşı Konvensiyası”nın yekun layihəsi hazırlanaraq qəbul edilib - VİDEO