Triatlon hakimi Balaheydər Kərimovun ilk dəfə Dünya Kubokuna təyinat alması Azərbaycan triatlonunun beynəlxalq arenada inkişafının göstəricisidir.

Bu barədə "Report"a B.Kərimov açıqlama verib.

O, Macarıstanın Tisauyvaroş şəhərində baş tutan yarışda iştirakı ilə bağlı fikirlərini bölüşüb:

"Triatlon üzrə Dünya Kubokunda hakimlik edən ilk azərbaycanlı kimi tarixə düşmək mənim üçün böyük qürur və məsuliyyətdir. Bu, təkcə şəxsi uğurum deyil, eyni zamanda Azərbaycan triatlonunun beynəlxalq arenada inkişafının göstəricisidir. Dünya səviyyəli turnirdə hakim kimi fəaliyyət göstərmək mənə dəyərli təcrübə qazandırdı, müxtəlif ölkələrdən olan peşəkar hakimlərlə birlikdə işləmək isə bilik və bacarığımı daha da artırdı".

O, növbəti planlarından bəhs edib:

"Qarşıdakı dövrdə də ölkəmizi beynəlxalq yarışlarda layiqincə təmsil etmək və təcrübəmi daha da zənginləşdirmək üçün əlimdən gələni edəcəyəm. Bu il əsas hədəflərimdən biri İsveçrədə keçiriləcək triatlon üzrə universitetlərarası dünya çempionatında hakim kimi fəaliyyət göstərməkdir".

Xatırladaq ki, Balaheydər Kərimov triatlon üzrə Dünya Kubokunda hakimlik edən ilk azərbaycanlı kimi tarixə düşüb.

Oxşar xəbərlər

Millinin məşqçisi Azərbaycanı ilk dəfə beynəlxalq yarışda hakim kimi təmsil edib

Azərbaycanlı triatlon hakimi: "Beynəlxalq turnirdə ilk dəfə ölkəni təmsil etmək qürurverici hissdir"

Beynəlxalq turnirdə ən yaxşı hakim seçilən azərbaycanlı: “Bu mükafat mənim üçün böyük fəxrdir”

Millinin ukraynalı yeni baş məşqçisi: "Azərbaycanda triatlonun inkişafı üçün əlimdən gələni edəcəyəm"

Niderlandda ən yaxşı seçilən azərbaycanlı hakim: "Uğurların davamı üçün əlimdən gələni edəcəyəm"