İyulun 10-da Bakıda boks üzrə İBA Çempionlar Gecəsi keçiriləcək.

Bu barədə "Sizinxeber.az"a Azərbaycan Boks Federasiyasından məlumat verilib.

İlk dəfə "Sea Breeze Resort" təşkil olunacaq yarışda dünyanın güclü boksçularının iştirakı ilə 6 döyüş baş tutacaq.

Bu görüşlərin 5-də Azərbaycan idmançıları təmsil olunacaq. 47,6 kq-da dünya çempionu Sübhan Mamedov Riçard Qardla (Filippin) üz-üzə gələcək. Dünya çempionatının mükafatçıları Sərxan Əliyevlə (70 kq) Səidcəmşid Cəfərov (72,6 kq) müvafiq olaraq, Nurtas Ajbenov (Qazaxıstan) və Nikolay Veselov (Belarus) ilə qarşılaşacaq.

Avropa Oyunlarının üçüncüsü Tayfur Əliyev (60 kq) Xurşidbek Rasuljonovla (Özbəkistan), Dünya kubokunun yarımfinalçısı Nəbi İsgəndərov (70 kq) Hikmət Qarayevlə (Rusiya) gücünü yoxlayacaq. Boksçuların hər birinin döyüşü 6 raunddan ibarət olacaq.

Digər görüşdə isə Çeerav Aşalayevlə (Rusiya, 76,2 kq) Mixail Dolqolevets (Belarus) münasibətinə aydınlıq gətirəcək. Bu qarşılaşma 8 raund davam edəcək.

Qeyd edək ki, İBA Çempionlar Gecəsi saat 19:00-da start götürəcək.

Oxşar xəbərlər

Bakıda boks üzrə Çempionlar Gecəsi təşkil olunacaq

Dünya Kubokunun qalibi Sübhan Mamedov: "Uğurlu nəticələrin çox olması üçün əlimizdən gələni edəcəyik"

Azərbaycan boks millisi Dünya Kubokunda komanda hesabında ikinci yeri tutub

Azərbaycan boksçusu Səidcəmşid Cəfərov Dünya Kubokunda qızıl medal qazanıb

Azərbaycanın üç boksçusu Dünya Kubokunun yarımfinalında döyüşəcək