Azərbaycan cüdoçuları Gürcüstanın Qori şəhərində keçirilən böyüklər arasında Avropa Kubokunu 9 medalla başa vurublar.

"Sizinxeber.az" xəbər verir ki, son yarış günündə daha 4 cüdoçumuz fəxri kürsüdə yer alıb.

Əjdər Bağırov 100 kq çəki dərəcəsində bütün rəqiblərini məğlub edərək qızıl medal qazanıb. Bu çəki dərəcəsində Elmar Qasımov bürünc mükafata sahib çıxıb. Xəyyam Əliyev (90 kq) və Diana Tçkayeva (48 kq) da turniri bürünc medalla başa vurublar.

Xatırladaq ki, ilk yarış günündə İslam Rəhimov (66 kq) qızıl, Elşən Əsədov (66 kq) gümüş, Babarəhim Mirzəyev (60 kq), Nizami İmranov (66 kq) və Rüfət Şövlətov (73 kq) isə bürünc medal əldə ediblər.

Yekunda 2 qızıl, 1 gümüş və 6 bürünc medal qazanan Azərbaycan ümumi komanda hesabında üçüncü, kişilər arasında isə ikinci yeri tutub.

Oxşar xəbərlər

Azərbaycan cüdoçuları Berlində 9 medal qazanıblar

Azərbaycan cüdoçuları Avropa çempionatını 5 medalla başa vurublar

Azərbaycanın yeniyetmə cüdoçuları Avropa çempionatında bir günə 6 medal qazanıblar

Azərbaycan cüdoçuları Gimnaziadanı birinci yerdə başa vurublar

Azərbaycanın veteran cüdoçuları Avropa çempionatında daha 3 qızıl medal qazanıblar