Vaşinqton və Tehran növbəti danışıqlar zamanı İranın region ölkələrinə endirdiyi zərbələrə görə kompensasiya ödənilməsi məsələsini müzakirə edəcəklər. Bu məsələni ərəb dövlətləri özləri qaldırmışdı.

"Report" xəbər verir ki, bu barədə ABŞ-nin dövlət katibi Marko Rubio Manamada ABŞ və Körfəz Ərəb Dövlətlərinin Əməkdaşlıq Şurasının nazirlər görüşünün yekunlarına dair jurnalistlərə açıqlamasında bildirib.

"Onlar yenidənqurma üçün maliyyə vəsaiti istəyirlər. Dəymiş zərərin kompensasiya edilməsini istəyirlər. Düşünürəm ki, qarşılıqlı anlaşma memorandumu üzrə danışıqlar prosesi çərçivəsində bu cür məsələlər müzakirə olunacaq", - o qeyd edib.

Rubionun sözlərinə görə, ərəb ölkələrinin nümayəndələri görüşdə bu məsələni qaldırıblar, lakin hələlik heç bir konkret razılaşma yoxdur: "Bu, onların maraqlı olduqları və bizim hansısa məqamda müzakirə etməli olacağımız məsələlərdən biridir. Lakin bununla bağlı hələ heç bir konkret detal işlənməyib".

Oxşar xəbərlər

Rubio: Ərəb ölkələri İrandan kompensasiya tələb edir

Sabah Rubionun Yaxın Şərq ölkələrinə səfəri başlayır

İran 5 ərəb ölkəsindən kompensasiya tələb edib

ABŞ dövlət katibi aprelin 16-18-də Parisdə Aİ nümayəndələri ilə Ukrayna məsələsini müzakirə edəcək

Ərəb ölkələrinin XİN başçıları İranın ABŞ hərbi bazasına hücumunu müzakirə edəcəklər