Naxçıvan Muxtar Respublikasının təhsil naziri Elxan Nəcəfov Ukraynada fəaliyyət göstərən akademik Zərifə Əliyeva adına İrpen Humanitar Xarici Dillər Liseyinin əməkdaşları ilə Naxçıvana səfərləri çərçivəsində görüşüb.

"Report"un yerli bürosu xəbər verir ki, təhsil naziri xalqlarımız arasındakı dostluq əlaqələrindən danışıb, akademik Zərifə Əliyeva adına İrpen Humanitar Xarici Dillər Liseyinin də ölkələrimiz və xalqlarımız arasındakı dostluğun göstəricilərindən olduğunu bildirib.

Liseyinin direktoru Valentina Antonenko qonaqərvərliyə görə minnətdarlığını bildirib, rəhbərlik etdiyi təhsil müəssisəsi haqqında məlumat verib. Qeyd olunub ki, hərbi əməliyyat zamanı zərər çəkmiş təhsil müəssisəsi Azərbaycan Respublikasının dəstəyi ilə qısa zamanda bərpa olunub. Qonaq bu qayğıya görə Azərbaycan Prezidentinə minnətdarlığını bildirib.

Sonda qonaqlara Təhsil Nazirliyi tərəfindən hədiyyələr təqdim olunub.

Oxşar xəbərlər

Zərifə Əliyeva adına İrpen Humanitar Xarici Dillər Liseyinin əməkdaşları Naxçıvana səfərə gəliblər

İrpen liseyinin direktoru Prezident İlham Əliyevi təbrik edib

Elm və təhsil naziri türkiyəli həmkarı ilə görüşüb

Leyla Əliyeva Pekin Xarici Dillər Universitetində tələbələrlə görüşüb

Bakıda peşə liseyinin tələbələri arasında dava düşüb, bıçaqlanan var