Şuşada Uşaqların Beynəlxalq Müdafiəsi Günü festivalı keçiriləcək

İyunun 1-də Şuşada Uşaqların Beynəlxalq Müdafiəsi Günü münasibətilə “Şuşa türk xalqları birliyinin mədəniyyət incisidir” adlı beynəlxalq uşaq yaradıcılıq festivalı keçiriləcək.

Türk dövlətlərinin məktəbliləri festivalda iştirak edəcəklər

Bu barədə APA-ya Elm və Təhsil Nazirliyindən məlumat verilib.

Bildirilib ki, Elm və Təhsil Nazirliyinin təşkilatçılığı ilə keçirilən festivalda türk dövlətlərinin məktəbliləri iştirak edəcəklər.

Festivalın məqsədi və əhəmiyyəti

Beynəlxalq yaradıcılıq festivalının təşkilində məqsəd türkdilli dövlətlərdən olan uşaqlar arasında dostluq, qardaşlıq, əməkdaşlıq münasibətlərini daha da möhkəmləndirmək, uşaqlara öz ölkələrinin tarix və mədəniyyətini layiqincə təmsil etmək üçün şərait yaratmaq, eləcə də Şuşa şəhərinin füsunkar gözəlliyini tanıtmaqdır.

Festivalda bədii kollektivlər musiqi və rəqs təqdim edəcək

Konsert proqramında türk dövlətlərinin bədii kollektivlərinin 300 üzvü ölkələrinin musiqi və rəqs mədəniyyətini tamaşaçılara təqdim edəcək.

Şəhid övladları və məktəblilər festivalda tamaşaçı olacaqlar

Festivalda həmçinin tanınmış mədəniyyət və incəsənət xadimləri, 150-yə yaxın məktəbli, şəhid övladları tamaşaçı qismində iştirak edəcəklər.

Festival çərçivəsində ekskursiyalar təşkil olunacaq

Layihə çərçivəsində qonaqlar 26 may – 2 iyun tarixlərində ekskursiyalarda da iştirak edəcək, ölkəmizin zəngin təbiəti, tarixi-memarlıq abidələri, quruculuq işləri ilə tanış olacaqlar.

Festivalın sosial media səhifələri

Ətraflı məlumat üçün aşağıdakı sosial media səhifələrini izləyə bilərsiniz:

https://www.facebook.com/shushafestivali/

https://www.instagram.com/shushafestivali

Oxşar xəbərlər

Üzeyir Hacıbəyli XVI Beynəlxalq Musiqi Festivalı keçiriləcək

"Minasız Azərbaycan” yaradıcılıq müsabiqəsinin qalibləri seçilib

Nazir müavini: Milli Musiqi Günü ilə bağlı bir sıra xarici ölkələrdə tədbir keçiriləcək

Bu il ilk dəfə Füzulidə Kurmanqazı adına Uşaq Yaradıcılıq Mərkəzində şagirdlər təhsilə başlayacaq

Mədəniyyət Nazirliyi “Yaşıl STEAM Azərbaycan” Festivalında təmsil olunur