Sosial şəbəkədə yayılan hicablı müəllimlərin işə qəbul müsabiqəsinin müsahibə mərhələsindən kəsilməsi ilə bağlı iddialar əsassızdır.

Bu barədə "Report"un sualını cavablandıran Məktəbəqədər və Ümumi Təhsil üzrə Dövlət Agentliyinin (MÜTDA) Ümumi təhsilin təşkili şöbəsinin müdir müavini Nurlan İsmayılbəyli MİQ-lə bağlı keçirilən brifinqdə deyib.

Onun sözlərinə görə, ümumilikdə müsabiqə müddətində heç bir dini və ya cinsiyyət baxımından ayrı-seçkilik edilmir: "Bəzən də hər hansı komissiyanın fəaliyyətinin qərəzli olmasını deyirlər. Halbuki 30 fərqli komissiya var və hər biri də təlimdən keçən şəxslərdir. Onların əsas işi müsabiqənin şəffaf keçirilməsini təmin etməkdir. Narazılıqlar həmişə var və olacaq. Əsas odur ki, heç vaxt ayrı-seçkilik halı olmur".

Oxşar xəbərlər

MÜTDA: Müəllimlərin vahid məktəbli formasına keçməsi barədə hansısa qərar yoxdur

Nurlan İsmayılbəyli: 400-ə yaxın müəllimin tədrisdənkənar alternativ işlərlə təmin olunması prosesi gedir

Sertifikasiya nəticəsində 4 300-dən çox müəllimin müqaviləsinə xitam verilib

Vakant yerdən imtina edən müəllimlər növbəti imtahan turuna buraxılmayacaq

MÜTDA rəsmisi: Təəssüf ki, iki mindən artıq vakant müəllim yeri 3 ildir heç bir namizəd tərəfindən seçilmir