Nazir müşaviri: İqlim dəyişikliyi və onun fəsadları siyasi sərhəd tanımır

İqlim dəyişikliyi və onun fəsadları siyasi sərhəd tanımır.

"Sizinxeber.az" xəbər verir ki, bunu ekologiya va təbii sərvətlər nazirinin müşaviri Rüstəm Həsənov “Ümumdünya Qida Təhlükəsizliyi Günü: Elm fəaliyyətdədir” mövzusunda keçirilən konfrans çərçivəsində baş tutan "Qida sistemlərinin rolu: insan, heyvan və ətraf mühit sağlamlığının inteqrasiyası" adlı paneldə deyib.

Onun sözlərinə görə, insanlar bəzən havanın bir dərəcə isinməyi ilə iqlim dəyişikliyinin baş verəcəyini, bunun fəsadlara səbəb olacağını fərq etmirlər:

"Amma bu dəyişikliyin uzunmüddətli prespektivdə ətraf mühitin tarazlığının pozulmasına çox neqativ təsirləri var. Dövlət qurumları bunun fərqindədirlər. Bu səbəbdən, mövcud alətlərdən maksimum dərəcədə effektiv istifadə etməyə çalışırıq".