Azərbaycanın Meksikadakı səfiri Məmməd Talıbov Qazaxıstanın bu ölkəyə yeni təyin olunmuş səfiri Almurat Turqanbekovla görüşüb.

“Sizinxeber.az” xəbər verir ki, bu barədə azərbaycanlı diplomat sosial şəbəkədə bildirib.

“Əziz qardaşım, Qazaxıstanın səfiri Zati-aliləri Almurat Turqanbekovu salamlamaqdan məmnunluq və şərəf duydum. Sizə Meksikada fövqəladə və səlahiyyətli səfir kimi fəaliyyətinizdə uğurlar diləyirik”, – səfir qeyd edib və həmkarı ilə fotosunu əlavə edib.

Qeyd edək ki, Turqanbekov ötən ilin noyabrından Meksika Birləşmiş Ştatlarında səfirdir.

Xatırladaq ki, ötən ay Azərbaycanın Kolumbiyadakı qeyri-rezident səfiri Talıbov bu ölkənin Xarici İşlər Nazirliyinin Avropa idarəsinin rəisi Patrisiya Kortes Ortislə mədəniyyət, təhsil və konsulluq sahələrinində əməkdaşlığı potensial müzakirə etmişdi.

Oxşar xəbərlər

Azərbaycan səfiri Kolumbiya XİN-in idarə rəisi ilə bir sıra sahələrdə əməkdaşlığı müzakirə edib

Azərbaycanın İsveçdəki səfiri qazaxıstanlı həmkarı ilə görüşüb

Azərbaycan səfiri Nepalın xarici işlər üzrə katibi ilə iki ölkə arasındakı münasibətləri müzakirə edib

Belçikanın yeni səfiri Azərbaycan XİN başçısının müavini ilə görüşüb