İspaniya Milli Meteorologiya Xidməti güclü yağışların qeydə alındığı region üçün “qırmızı” – ən yüksək hava xəbərdarlığı elan edib.

“Report” xəbər verir ki, bu barədə “El Mundo” yerli hakimiyyət orqanlarına istinadən məlumat yayıb.

Sinoptiklərin məlumatına görə, yağışlar azı cümə axşamına kimi davam edəcək.

Səlahiyyətlilərin məlumatına görə, Valensiya və Kastiliya La Mança güclü yağışların yaratdığı daşqınlardan ən çox zərər çəkən bölgələrdir.

Valensiya əyalətinin müxtəlif şəhərlərində 62 meyit tapıldığı, 1 nəfərin itkin düşdüyü bəllidir. Kastiliya La Mançada isə 2 meyit tapılıb, 5 nəfər isə axtarılır.

EFE xəbər verir ki, İspaniyanın Baş naziri Pedro Sançes onlarla şəhərin su altında qaldığını bildirib və əhali üçün təhlükənin hələ keçmədiyi barədə xəbərdarlıq edib.

Yerli KİV-in məlumatına görə, Valensiyada daha əvvəl 400-ə yaxın insan təxliyə edilib, oktyabrın 30-da məktəblərdə dərslər, eləcə də bu tarixə təyin olunan idman tədbirləri ləğv edilib, parklar bağlanıb.

İspaniyanın Valensiya muxtar icmasında leysan yağışları və daşqınlar nəticəsində ölənlərin sayı 62 nəfərə çatıb.

"Report" xəbər verir ki, bu barədə İspaniya mətbuatı məlumat yayıb.

İspaniyanın cənub-şərqində güclü daşqınlar nəticəsində ən azı 51 nəfər ölüb.

“Report” CNN-ə istinadən xəbər verir ki, bu barədə Valensiya bölgəsinin hökuməti məlumat yayıb.

İspaniyanın cənub-şərqinə yağan güclü leysan yağışları nəticəsində bir çox ərazilər su altında qalıb, dəmir yolu və hava nəqliyyatının fəaliyyəti pozulub. Bəzi yerlərdə yağıntının günlük miqdarı aylıq normadan çox olub.

Oxşar xəbərlər

Hindistanda güclü yağışlar nəticəsində 30-dan çox insan ölüb

Valensiyada daşqınlar nəticəsində ölənlərin sayı 62 nəfərə çatıb - YENİLƏNİB

Ukraynanın hər yerində hava hücumu xəbərdarlığı elan edildi

İspaniyada daşqınlar nəticəsində ölənlərin sayı 70-i ötüb, əhaliyə xəbərdarlıq edilib - FOTO

Pakistanda daşqınlar nəticəsində azı 24 nəfər ölüb