Mart ayının 14-də ilin ilk Ay tutulması baş verəcək.

Şamaxı Astrofizika Rəsədxanasından Sizinxeber.az-ya verilən xəbərə görə, bu tutulma tam Ay tutulması olacaq.

Bildirilib ki, tutulma hadisəsi Şimali və Cənubi Amerika, Avstraliyanın çox hissəsi, Avropanın qərbi, Asiyanın şərq hissəsi, Sakit və Atlantik okeanı, Arktika və Antarktidanı əhatə edəcək: "Bakı vaxtı ilə saat 07:57-də başlayacaq və 14:00-da bitəcək. Ümumilikdə tutulma 6 saat davam edəcək, tam tutulma isə saat 10:26-da başlayıb saat 11:31-də bitəcək. Tam tutulmanın maksimumu saat 10:58-də olacaq".

Qeyd edilib ki, gözlənilən tam Ay tutulması yerli vaxtla gündüz saatlarına uyğun gəldiyi və Ay üfüqdən aşağıda olacağı üçün Azərbaycandan görünməyəcək.

Oxşar xəbərlər

Gələn il iki dəfə Günəş, iki dəfə Ay tutulması baş verəcək

Gələn il iki Günəş, iki Ay tutulması olacaq

Gələn il 2 Günəş və 2 Ay tutulması baş verəcək

Bu gün ilin son Günəş tutulması baş verəcək

İlin son Günəş tutulması başlayıb