Bu gün axşam saatlarında intihara cəhd hadisəsi olub.

Bu barədə APA-ya Fövqəladə Hallar Nazirliyindən (FHN) bildirilib.

Qeyd edilib ki, bir nəfər vətəndaş paytaxtın Nizami rayonu ərazisində qaldırıcı kranın üzərinə çıxaraq intihara cəhd edib.

Bunu görən vətəndaşlar Fövqəladə Hallar Nazirliyinin “112” qaynar telefon xəttinə məlumat veriblər.

Əraziyə dərhal FHN-in Xüsusi Riskli Xilasetmə Xidmətinin xilasediciləri cəlb olunub.

Xilasedicilər tərəfindən əməliyyat şəraiti qiymətləndirilərkən müəyyən olunub ki, 1989-cu il təvəllüdlü Şəmiyev Nicat Mübariz oğlu qaldırıcı kranın üzərinə çıxaraq intihara cəhd edir.

Xilasedicilər tərəfindən intihara cəhd edən şəxslə ünsiyyət qurulub və davamlı psixoloji söhbət aparılmaqla xilasetmə yastığı açaraq, zəruri təhlükəsizlik tədbirləri görülüb.

Xilasedicilərin vətəndaşla apardığı psixoloji söhbət nəticəsində o, intihar etmək niyyətindən çəkinib və xilas edilərək aidiyyəti üzrə təhvil verilib.

Oxşar xəbərlər

Xırdalanda intihara cəhdin qarşısı alınıb - VİDEO

FHN-in xilasediciləri Xırdalanda intihar hadisəsinin qarşısını alıb - FOTO

Bakıda intihar hadisəsinin qarşısı alınıb - VİDEO

FHN-in xilasediciləri intihara cəhd edən vətəndaşı xilas edib

FHN: Nəsimi rayonunda 1 nəfər intihara cəhd edib