“İnsan işsiz olar, amma məşğulluqda qeydiyyata düşməyə bilər".

APA xəbər verir ki, bunu Milli Məclisin Əmək və sosial siyasət və İqtisadi siyasət, sənaye və sahibkarlıq komitələrinin birgə keçirilən iclasında əmək və əhalinin sosial müdafiəsi naziri Sahil Babayev deyib.

Nazir bildirib ki, məşğulluqda qeydiyyatda olan şəxslərə 2-3 dəfə iş təklif edilərsə, üzrlü səbəb göstərilmədən işdən imtina olunarsa, onların işsiz statusu ləğv edilir: "Bu gün bizim 480-490 min vətəndaşımız məşğulluq orqanlarında qeydiyyatdadır. Onların yarısı işsiz kimi, təqribən bir o qədəri də iş axtaran kimi qeydiyyatdadır. İş axtaran şəxslər işi olan, amma yeni iş axtaran şəxslərdir. Bizim niyyətimiz qətiyyən passiv alətlərin artırılması deyil. Biz daha çox aktiv alətlərə vəsait verməyin tərəfdarıyıq. Sığorta olaraq, biz işsizlərə aktiv veririk. Onları peşə hazırlığına cəlb edirik, məşğulluq agentliyi onları işə düzəldir. Biz bu şəkildə aktiv alətləri artırırıq. Passiv alətləri artırsaq, insanlar əmək bazarıdan kənarlaşmaq üçün stimullaşmaya gedə bilər".

Oxşar xəbərlər

Nazir: Bizim pensiya sistemimiz çox humanistdir

Nazir pensiyalarda proqnozlaşdırılan artımları açıqlayıb

Nazir müavini: Peşə hazırlığına cəlb edilmiş şəxslərin işlə təmin olunması 75%-ə yaxınlaşıb

Nazir: İqtisadiyyatımız daha çox iş yeri yaratmalıdır ki, insanlar da ora yönəldilsin

Azərbaycanda median əməkhaqqı son 5 ildə 2,2 dəfə artıb